Cebu City – Makasinate ug random police checkpoints sa Central Visayas ning pagpahugot sa kapolisan sa ilang monitoring nonot sa pagpatuman sa nationwide gun ban sud sa walo ka adlaw subay sa filing sa Certificates of Candidacy (COCs).
Niadtong Septembre 30, mihatag sa iyang direktiba si Police General Guillermo Eleazar ngadto sa tanang police units pag suspend sa tanang Permits to Carry Firearms Outside Residence (PTCFOR) sud sa walo ka adlaw gumikan sa nationwide filing sa COCs gikan sa Oktubre 1 hangtud sa Oktubre 8.
Gisugdan ang suspension tungang gabii sa Septembre 30, ug mahuman kini hangtud sa alas 7 sa buntag inag Oktubre 9.
Matod ni Police Brigadier General Roque Eduardo Vega, director sa Police Regional Office 7, nga ang nahisgutang direktiba gituyo aron malikayan ang firearm-related incidents, labi na atol sa ting file sa COC.
Dugang pasabot ni Vega nga way tugtan nga maka dala sa ilang license firearms gawas lang sa uniformed police personnel sama sa mga sakop sa PNP, Armed Forces of the Philippines, ug ubang law enforcement agencies.
Giklaro hinoon sa director nga kadtong police personnel nga wala mag sul-ob ug uniform nga nag dala sa ilang armas, mag-atubang ug administrative charges sa paglapas sa kamanduan sa headquarters.
“Kailangan sila ay nakasuot ng kanilang uniporme…walang exemption, kailangan sundin yung directives, (or else) we will file charges. So sa ating mga kapulisan, sa AFP and other law enforcement agencies, kailangan naka uniporme, malinaw yun, ” dugang sa opisyal.
Gipahibaw ni Vega nga iya nang gihatagan sa maong direktiba ang tanang city ug provincial directors sa Central Visayas aron ipatuman kini ipaimplenta.
(News & photo courtesy of Police Regional Office-7)