Panangtulong ken panangsupurta kadagiti kalugaran a nangruna ita a panawen ti pandemia.
Daytoy ti naiget nga ar aramiden dagiti opisial ti Batac kadagiti agkasapulan unay ti saranay ken naapektaran iti covid 19. Segun ken ni Sang. Panglunsod member ken Chairman iti Committee on Social Services iti Sang.
Panglunsod Kichel Pungtilan, adda iti social fund a nakasagana a pagkautan da ti pundo a maipaay kadagiti agkasapulan.
Inlawlawagna nga adda pay iti city medical trust fund nga inpundo iti gobierno ti ciudad ti Batac iti Mariano Marcos Memorial Hospital and Medical Center (MMMH and MC) a nairanta kadagiti indigent families.
Inpalgak na 15 agingga iti 20 a benepisiaryo ti agpatpatulong iti City Social Welfare and Development Office nga idadaulwan ni Ms. Lilibeth Maligsay iti kada lawas. Inbatadna nga agtultuloy met ti burial assistance a maited iti pamilya dagiti pimmusay a walo agingga iti 10 a benepisiaryo ti kada lawas malaksid pay ti medical financial assistance a maipapaay kadagiti awan ti igatang da ti agas.
Inlawlawagna nga awan met iti panagkamtod ti pundo gapu ta inreserbaan da dagiti kailian da ken no bilang agkurang man mabalin da met ti agkiddaw ken ni Mayor Albert Chua babaen iti panangdawat dagiti kameng ti Sang.
Panglunsod iti supplemental budget. Impasingked ni Hon. Pungtilan nga ar aramiden da daytoy tapno agtultuloy dagiti programa ti Batac City ken ti gobierno probinsial babaen iti liderato ni Gob. Matthew Marcos Manotoc.