Pulis 2 drug suspects patay sa buy bust sa Rizal

Patay ang 2 suspek ng mauwi sa madugong sagupaan ang ikinasang buy bust operation ng mga otoridad sa bayan ng Rodriguez sa Rizal, kahapon.

Kinilala ang isa sa mga nasawi bilang si Renato Dolorfina, alyas Kato, habang patuloy pa rin naman inaalam ng mga otoridad ang pagkakakilanlan ng kasamahan nito.

Batay sa paunang ulat ng pulisya,  bigla na lamang bumunot ng baril ang 2 suspect ng makatunog ang mga ito na pulis ang kanilang ka-transaksyon.