- Advertisement -
Inilagay na sa Full Alert Status ang buong pwersa ng Militar sa Western Mindanao.
Kasunod ito ng naganap na pagpapasabog sa Military Camp sa Indanan, Sulu kahapon na ikinasawi ng 8 katao kabilang na ang ilang sundalo.
Ayon kay Wesmincom o Western Mindanao Command Spokesman Maj. Arvin Encinas, mahigpit ang utos ng mga Military Officials sa lugar na mas maging handa at alerto sa mga kahalintulad na insidente.
Kaugnay nito, sinabi rin ni Encinas na hindi rin nila inaalis ng mga otoridad na posibleng ang Abu Sayyaf Group ang nasa likod ng pagpapasabog.
Una rito, isinailalim na rin sa Full Alert Status ang buong pwersa ng pulisya sa Metro Manila.
- Advertisement -