Davao City – Sa unang higayon abli na sa publiko human malampusong giablihan sugod karong adlawa Setyembre 1,2020 ang pinakaunang PRUTAS UG BULAK FESTIVAL sa lungsod sa Kapalong.
Mismo ang inahan sa lungsod Mayor Maria Theresa R. Timbol ang nanguna sa maong pag-abli kauban ang amahan usab sa lungsod Bise-Mayor Edgardo L. Timbol,ug mga SB Members ingon man mga Department Heads sa nagkadaiyang opisina sa lokal nga panggamhanan.
Sa gipahitabong programa mipaabot sa pagdasig ang inahan sa lungsod sa tanang tag-iya sa prutas ingon man sa mga bulak usab.
“Ang tuyo nato kay sa pipila ka bulan apektado atong mga panginabuhian kabalo ko sa inyoha nga mga inahan kay ako inahan pud ko kita kanunay ang magkaproblema kon unsa atong ipalit ug pagkaon sa atong panimalay, problema sa atong mga anak kita gyud ang unang maapektuhan mao nang naningkamot ta uso man ang bulak mao ng mamitbit ta ug atong ibaligya diri ug sa atong mga farmers pod sobra-sobra ang ginaharvest didto sa bukid unya kung magdungan tag baligya sa wholesaler sa palengke murag mabarato ang atoang prutas. Mao tong nahunahunaan nga importante diay gikan sa uma ibaligya diri sa retail so pangutana tibuok tuig bani ‘dili’ festival man naay limit kung pila siya ka semana depende kung unsa pa kadaghanon ang atong mga produkto gikan sa bukid nga prutas so direkta man gikan sa uma padulong pud direa sa atong baligyaanan sa ato pa mani s mubaba pod ang presyo nato sa retail. Kay kung mahalon pod nato maayo ang presyo basig ma discourage ang atong mamalitay kay nindot man gud nga atong baligya bahalag gamay ginansya pero mahurot ug kahalin”.
Dugang niini, giawhag usab ni Mayor Tess sa tanan nga kanunayon magsuot ug facemask ingon man ang mga kustomers aron pabiling luwas ug ang mga nagkadaiyang basura isulod sa tanang sudlanan aron dali sa paglabay niini.
Ang maong festival, ipahigayon na kini sa matag tuig sa lokal nga panggamhanan sa Kapalong. (Kapalong MIO)
