Produksyon ng manok sa ilang lugar sa Luzon bumaba

Bumagsak sa 50% ang produksyon ng manok sa ilang bahagi ng Luzon.

Ito ang nakikitang dahilan ng Department of Agriculture (DA) sa pagtaas ng presyo ng manok at itlog sa ilang merkado.

Ayon kay Agriculture Consumer Affairs Usec. Ernesto Gonzales, bagamat bumagsak ang produksyon ng manok ay hindi dapat magpatong ng sobrang presyo ang mga nagtitinda.

Dagdag pa rito, kumpiyansa rin ang DA na hindi kukulangin ang suplay ng manok dahil may mapagkukuhanan pang mga imported.

Samantala, maaaring namang patawan ng Suggested Retail Price (SRP)  ang mga manok sa susunod na buwan.