Pagtaas ng presyo ng itlog resulta ng ASF

Naniniwala ang Philippine Egg Board na tumaas ang presyo ng itlog dahil sa kumakalat na sakit ng mga baboy na African Swine Fever (ASF).

Ayon kay Egg Board Chairman Gregorio San Diego, malaki ang epekto nito sa mga bentahan ng baboy sa merkado dahil sa takot ng mga consumers sa mga produktong kontaminado ng ASF.

Umabot na sa P5.10 hanggang P5.40 ang presyo ng kada piraso ng maliliit na itlog habang nasa P5.60 naman hanggang P6.20 na ang presyo ng mga malalaking itlog.

Samantala, tumaas rin sa kada P180 hanggang P190 ang kada kilo ng mga manok sa merkado.