General Santos City – Dakpan pinaagi sa hiniusang pwersa sa PDEA Sarangani Provincial Office ug Sarangani Police Provincial Office Provincial Intelligence Unit-Provincial Drug Enforcement Unit, Sarangani Provincial Mobile Force Company ug Malungon Municipal Police Station ang usa ka target listed personality atol sa gihimong buy-bust operation alas 10 pasado ang takna sa buntag sa purok bahada, brgy. Upper Biangan, Malungon, Sarangani Province.
Ang suspek giilang si Ariel Gealon, 35, laborer. Sumala kang Kath Abad, tigpamaba sa PDEA 12 nga atol sa operasyon gipabuthan sa suspek ang operatiba gamit ang iyahang jolen gun.
Sagad matud pa sa mga customer sa nasangpit ang mga residente sa GenSan ug Malungon.
Nakuha gikan sa posisyon sa suspek ang usa ka rolyo nga pina-ugang dahon sa marijuana, improvised air gun kon jolen gun nga adunay bala sa caliber 7.62 ingon man 500 ka pesos nga buy-bust money.
Kasang pagsupak sa R.A 9165 ug R.A 10591 ang gipasang-at batok na sa dinakpan.
(John Rey Somido)