Mapasalamaton ang CDO-LGU sa walay puas ug makanunayon nga suporta sa mga pribadong sektor aron mabukanahan ang katawhan batok COVID-19 aron sa hingpit makab-ot ang ‘herd immunity’.
Bag-ohay lang natapos sa SM group ang pagpamakuna sa ilang mga empleyado sa ilang kaugalingong pinalit nga COVID-19 vaccines.
Samtang kagahapon gisugdan usab ang pagpamakuna sa mga trabahante sa San Miguel Corporation diha sa vaccination site sa Capitol University Medical Center.
Miabot usab kagahapong adlawa, Agosto 3, ang 10,000 doses sa AstraZeneca vaccines nga donasyon gikan sa International Container Terminal Services pinaagi sa Razon Group of Companies.
Sa laing bahin nakigtambayayong ang LGU-CDO ang 4th Infantry Diamond Division
Philippine Army ubos sa pagpangulo ni MGen Romeo S. Brawner aron maalagaran ang mga katawhan nga molupyo sa geographically isolated and disadvantaged areas pinaagi sa paghatag og libreng transportasyon padulong ug pabalik sa mga vaccination sites.
Nunot kini sa hangyo ni Dr. Charles Marquez sa City Health Insurance Office, Â kinsa doctor sa hinterland barangay/GIDA Â aron mabakunahan ang katawhan batok COVID-19.
Naserbisyuhan sa 4th ID sa libreng transportation ang kapin 300 ka mga molupyo sa Dansolihon nga gihatod sa unom ka army trucks ngadto sa vaccination site.
(Gin B. Serohijos, RPN DXKO CdO OIC | City Health Insurance Office)
