Cebu City – Gi-awhag sa health authorities sa rehiyon ang publiko nga magpa bakuna na batok sa Covid-19 kung eligible sila, nonot sa datus sa pipila ka mga tambalanan nga nagpakita nga daghan sa mga Covid-19 related deaths naglakip sa mga wa unvaccinated individuals.
Gibutyag ni Dr. Gerardo Aquino, medical chief sa Vicente Sotto Memorial Medical Center (VSMMC) nga mayoriya sa mga nangamatay sa Covid sa ilang hospital kadtong mga wala mabakunahi.
Matod ni Aquino nga ang lima ka mga mortalities nga natala sa ilang tambalanan as of July 28, 2021, mga unvaccinated.
Iyang gipasabot nga dunay mga kaso nga na admit sa VSMMC nga mga fully vaccinated, mas daghang ang nasud nga dili vaccinated.
Dihay higayon nga sa 113 confirmed Covid-19 nga pasyenteng na admit sa ilang hospital, 94 niini ang wala mabakunahi.
“But the difference man gud kung bakunado ka, either asymptomatic ka or mild ra imong mga symptoms (compared to those unvaccinated. Naay big possibility nga you go to the either moderate, severe, or critical (if you’re unvaccinated),” pasabot ni Aquino.
Mensahi niya sa publiko nga magpabakuna bisan unsa nga vaccine nga available tungod kay mao nay best vaccine.
As of July 29, ang total census sa Covid- 19 cases sa VSMMC miabot ug 22 porsyento, samtang ang nahibilin kadtong dili Covid cases. (Jhon Tadlip)
(Source: Vicente Sotto Memorial Medical Center thru Dr. Aquino, photo courtesy by Henry Canizares)