Pondo para sa mga apektado ng COVID-19 aabot ng P200-B

Aabot sa P200-B ang halaga ng pondong ilalabas ng pamahalaan para sa mga pamilyang apektado ng coronavirus disease (COVID-19).

Ito mismo ang kinumpirma ni Senate President Vicente Sotto III kaugnay ng naging pahayag ni Senator Panfilo Ping Lacson na hindi sasapat ang pondo ng pamahalaan para tugunan ang pangangailangan ng publiko.

Ayon kay Sotto ang naturang virus respond fund ay para lamang sa 16-M pamilya na apektado ng umiiral na enhanced community quarantine na ipinatupad dahil sa patuloy na pagtaas ng bilang ng COVID-19 sa Pilipinas.

Una rito, inihayag ni Lacson na nakatakdang magsagawa ng special session ang mababa at matataas na kapulungan ng kongreso para sa re-alignment ng pondong gagamitin para tugunan ang COVID-19.