CAGAYAN DE ORO CITY- Giakusahan sa kapolisan ang New People’s Army (NPA) nga maoy responsable sa pagpang ambush sa Talakag, Bukidnon niadtong nakalabay’ng adlaw, Enero 29 nga nakapatay sa usa ka police corporal ug tulo ang samdan. Kini base sa mga ebidensya nga narecover gikan sa ambush site.
Nasayran nga narecover sa mga investigators ang improvised explosive device (IED), mga personal belongings ug usa ka notebook nga matud pa, magatumbok nga iya kini sa mga communist rebels nga naa lang sa palibot.
Nakabsan sa kinabuhi mao si Rowell Sumaylo samtang nasamdan sila si Captain Ramil Gighe, Corporal Jerwin Jenilla ug Senior Master Sergeant Giovannie Malinab apan anaa na sa luwas nga dapit ug nagpaayo sa ilang mga samad.
Ang convoy gilangkoban sa siyam ka mga miyembro sa Provincial Mobile Forces Company sa Bukidnon nga nagdala kang Brigadier General Joselito Salido, ang deputy director sa PNP Directorate for Integrate Police in Eastern Mindanao kinsa mopahigayon sa inspection sa mobile forces sa rehiyon.
Luwas si Salido ug wala maunsa atol sa maong hitabo.
