Davao City – Samtang nagkaduol ang pagsaulog sa Pasko ug Bag-ong tuig, nagpahimangno nang daan ang Bureau of Fire Protection ngadtu sa Pobliko alang sa paglikay sa sunog gikan sa pagpamalit ug mga Christmas Lights.
Sumala pa ni Senior Fire Officer 2 (SFO2) Ramil Gillado, officer-in-charge of the Intelligence and Investigation Section of BFP-Davao Region nga gilauman nang daan ang pagkaylap sa mga Substandard nga mga produkto sama sa Christmas Lights.
“Let us welcome and celebrate Christmas and New Year’s Eve happy and bright by making fire safety a priority during this festive season. Christmas trees, dangling seasonal Christmas lights can often be hazardous if not properly put up with care- or if it’s placed next toa potentially dangerous items,” sumala pa ni Gillado.
Hinuon gi esplika ni Gallado nga mamahimong malikayan ang peligro sa sunog kong mopalit ug Christmas Lights nga mipasar sa safety and quality standards inspection sa awtoridad. Gikinahanglan nga Makita sa palitong items nga dunay PS mark alang sa mga lokal nga Produkto ug dunay Import Commodity Clearance (ICC) mark alang usab sa mga imported nga mga produktong Christmas Lights.
“Do not overload electrical outlets. Too many plugs in one outlet may create enough heat to start a fire. Turn off all lights and decorations before leaving the house or going to bed,” dugang pa ni Gallado
Pasabot pa sa BFP nga gikinahanglan usab nga mogamit ug mga Heavy Duty ug dekalidad nga extension cord aron luwas usab sa sunog. Nasayran nga sa nakalabayng buwan sa Disyembre sa nakalabayng tuig, mokabat sa 26 ka mga ensidente sa Sunog nga gikalambigitan sa Christmas Lights hinungdan nga subling gipahimangnuan ang Pobliko aron malikayan ang sunog karong pagsaulog sa Pasko ug Pagsugat sa bag-ong tuig.
