PNP tiniyak na patuloy nilang hahanapin ang mga ibang akusado sa Maguindanao Massacre

Tiniyak ng Philippine National Police (PNP) na patuloy nilang hahanapin ang iba pang akusado sa Maguindanao Massacre.

Ayon kay PNP Spokesperson Pol. Brig. Gen. Bernard Banac, nasa 80 pa ang bilang ng mga akusado sa kaso na kanilang pinaghahanap para makamit ang hustisya sa mga biktima ng karumaldumal na Ampatuan Massacre.

Aniya, kabilang sa 80 ang mga pulis at sundalo na nagsilbing security ng mga Ampatuan nang maganap ang krimen noong taong 2009.