PNP tiniyak na magiging matagumpay ang inilatag na seguridad sa SEA Games

Tiniyak ng Philippine National Police (PNP) na magiging matagumpay ang kanilang inilatag na seguridad sa nagaganap na 30th Southeast Asian Games.

Ayon kay PNP Spokesperson B/Gen. Bernard Banac, wala silang nakikitang magiging problema sa mga seguridad ng mga lugar na pagdarausan ng SEA Games.

Aniya, maayos na nagpapatuloy ang koordinasyon ng lahat ng kanilang police units sa mga LGU’s at maging sa Traffic Management Team.

Samantala, kanila naring hinigpitan ang seguridad sa mga delegado at kalahok na manlalaro sa 11 bansa kabilang na ang Pilipinas.