Nag hahanap ang Philippine National Police (PNP) ng karagdagang 17,000 bagong pulis ngayong taon.
Ayon sa PNP, inaprubahan na ng National Police Commission (NAPOLCOM) at Department of Budget and Management (DBM) ang pag–hire ng karagdagang pulis para mapunan ang kakulangan sa ilalim ng recruitment program ng PNP.
Mula sa naturang bilang, 10,000 dito ay bahagi ng annual regular recruitment quota ng PNP habang ang 7,000 ay pamalit sa mga nag retiro, nasawi, at nasibak o awol na mga pulis.
Kaugnay nito, maaring mag apply ang mga Filipino citizen, babae man o lalaki, edad 21 hanggang 30 at nasa maayos na pangangatawan.
Ang mga kwalipikado at papasang pulis ay magkakaroon ng initial rank na police patrolman na may buwanang sweldo na 29, 668 pesos bukod pa sa allowances at benepisyo.