Inadmitir ni Police Lt. Relly Layug iti Ilocos Norte Police Provincial Office a saanna a maisigurado iti kinatalged ken saan a pannaka-apektar dagiti kameng ti pulisya iti Covid-19.
Segun kenkuana ,nupay dumalan amin iti swab test dagiti kameng ti PNP, saanna a maibaga gapu ta agsadag pay laeng no siasinno dagiti makapulpulapol da iti man uneg ken ruar ti pagtaengan da.
Kunana a saan a 100% a saan a maakaran dagiti pannakabagi ti linteg iti nasao a virus gapu ta saan a linged a maysa dagitoy kadagiti pamarang kadagiti border checkpoint iti paset ti badoc, pagudpud ken paset na ti Nueva-era Abra.
Iti baet daytoy, impasiguradona a naiget met iti panagan-annad ken panangsurot dagiti padana a kameng ti pulisya kadagiti Health Protocols nga ipagpaganetget ni Gob. Matthew Marcos Manotoc tapno adayu da a maapektaran iti agraira a sakit a novel Corana Virus disease.
Maipalagip a maysa a kameng iti BFP idiay Solsona ti naakaran iti virus bayat ti panagideliver da ti supply a danum iti paset na ti Badoc border.
Nupay kasta adda metten daytoy iti natalged a kasasaad ken madaman daytoy nga agpapaimbag.
(OIC Rod G. Sadian, RPN DZRL Batac)
(Source: Provincial Government of Ilocos Norte/ Communications & Media Office)