Cebu City – Nakabsan og kinabuhi ang usa ka plumber nga miambak sa ika-19 nga andana sa padayon pang gitukod nga bilding sa 13th Ave., Brgy. Tejero, dakbayan sa Sugbo gahapon sa buntag.
Nailhan ang nakalas nga si Emilio Mapalo Jr., 20, nga taga San Franciso, Camotes, Cebu ug sakop sa Trade Constructor company.
Suma pa sa nakasaksi nga si Noel Luchavez, 46, sa Cabadiangan, Compostela nga lead man sa trade constructor, kalit lang midagan si Mapalo dayong layat sa edipisyo.
Gihulagway nga wala na mahitsura ang panagway ni Mapalo sa iyang paghagsa sa ground floor.
Ilang gitan-aw ang selpon sa biktima ug ilang nakita ang mensahe sa text nga iyang gipadala sa iyaan nga daw sa nanamilit na.
Ang kapolisan sa Waterfront nagsusi pa unsay nagtukmod kang Emilio Mapalo, Jr. sa pagpakamatay.
Ang patayng lawas ni Mapalo anaa na sa usa ka punerarya samtang ang kontraktor wa pay pamahayag kon motabang ba pagpalubong sa biktima. (Jhon Tadlip/JTY)
(Source: Waterfront Police Station)