Pagadian City – Gipangunahan ni Pagadian City Mayor Sammy Co ang pagsaulog sa ika-27 na anibersaryo sa Commission on Higher Education dinhi sa Plaza Luz ning nasangpit nga lugar kagahapong adlawa, Mayo 17.
Gisaysay sa amahan sa syudad nga suportado sa iyahang administrasyon ang mga programa sa maong ahensya alang sa kauswagan sa mga kabatan-onan pinaagi sa edukasyon.
Ming tambong usab si CHED R9 Director Dr. Rody Garcia, 2nd District Zamboanga del Sur Congressman Leonardo Jun Babasa, JH Cerilles State College President Dr. Mary Jocelyn Buttong, Councilor Sam Tyra Co, Councilor Jigger Ariosa, Councilor Engr. Nonoy Pameron, Councilor Engr. Glavys Gavenia, Councilor Dodong Duterte ug mga nagka lain-laing opisyales sa mga tulonghaan sa syudad.
Gipatukar usab ang famous Musical Dancing Fountain isip hudyat pag sugod sa tinuig nga pag-saulog sa National Higher Education Day kada ika-18 na adlaw sa bulan sa Mayo.
(Source: Asenso Pagadian)