Cebu City – Nasikop sa taga National Bureau of Investigation Anti-organized crime division sa Manila ug sa National Bureau of Investigation (NBI7) Agents sa Sugbo ang usa ka Yugoslavian National nga dunay patong patong nga kaso sa Child Prostitution and Child Abuse ug Anti-Human Trafficking, sa Lungsod sa Compostela Cebu, pasado alas 5 sa buntag, Martes, Mayo 19, 2021.
Gisikop nilang Special Investigator 4 Cesar Rivera ug Cebu Agents pinanguluhan ni Special Investigator Agapito Gierran ang Yugoslavian National nga si Steve Hidosa.
Ang pagsikop pinasikad sa alias warrant nga gi isyu ni Regional Trial Court (RTC) Branch 61 sa Angeles City, pinaagi ni Honorable Judge Bernardita Gabitan Erum.
Sa press conference, gibutyag ni Atty Renan Oliva NBI 7 Regional Director ang mga kaso ni Hidosa.
“Gidakop ni nato ang subject, ang mga cases ani nga subject
Sec 5b 7610- 7 counts Child Prostitution and Child abuse ni in relation to sec 4e and 3e , in relation to sec 6 Republic Act 9208 Anti-Human Trafficking Act of 2003,” matod ni NBI7 Director Renan Oliva.
Gipasabot ni Oliva nga ang Section 6 sa Anti-Human Trafficking Act of 2003, usa ka Qualified Trafficking kong ang traffick person usa ka bata-kini nag edad ug 12 anyos paubos.
Ang maong duha ka kaso mag penalized ug life imprisonment .
Matod ni Oliva nga ang subject nagpoyo sa Angeles City kaniadto before 2013.
“Gi isyuhan ni siya ug alias warrant, wa na ni siya motonga didto, so diri na siya nagtago sa atoa sa Compostela. When he was arrested he could not show any documents sa iyang stay diri legally- wa ni siyay passport,” dugang ni Oliva.
Matod ni Oliva nga base sa gibuhat sa Anti-Organized crime, division sa Manila ni SI Rivera, kani siya has been in hiding, nisibat siya ani nga kaso niya- 7 counts ni ang iyang kaso-Human Trafficking nga dunay pyansa nga P200k kada usa ka count.
Suma pa ni Rivera nga duna pay laing violation ang maong langyaw nga RA 9208 Human Trafficking, nga way pyansa bali ug- 8 counts yon.
Hinoon, matod ni Rivera nga wa silay kasayuran nga duna bay laing siyang mga na biktima dinhi.
“Mayroon siyang mga alagang manok, nagbebenta raw siya nga matataas na klase na pang sabong na manok-yong value niya 20k pataas, tubag ni Rivera labot sa panginabuhian sa langyaw.
Natultolan ang foreigner gumikan sa pagtumaw sa informant ug misaysay sa giingong dunay unwanted person nga nagtagotago.
Dihang na verify mi takdo kini sa maong tawo nga dunay outstanding warrant of arrest sa Angeles City.
Ang gisikop nga langyaw dunay ka live-in, ug matod pa duna kini unang asawa sa laing nasud pero buwag sila.
Gihulagway nga close ang area, ang compound, hinungdan nga gipaluparan nila ug drone pinaagi sa ilang technical people aron pag suta kon naa ba ang ilang subject.
Sa dihang nasiguro na nila nga didto sa sud ang langyaw, ila dayon kining gi-adto ug gi serve ang alias warrant.
Wala hinoon mopakita ug pagsukol ang maong langyaw dihang gidakop na sa mga otoridad.
(Jhon Tadlip/JTY)
(News & photos courtesy of NBI 7)