28.9 C
Manila
Friday, March 29, 2024

Pimmusay Gapu Iti Covid-19 Masapul Nga Addaan Iti Death Certificate A Mangpaneknek A Natay Gapu Iti Virus Kasangwanan Nga Ipublikar Ti Probinsia

- Advertisement -

Adda ti proseso a sur-suroten ti Department of Health ditoy probinsia kasanguanan a maipablaak babaen iti facebook page ti gobierno probinsial dagiti pumusay a pasiente gapu iti Covid-19.

Daytoy ti inlawlawag ni Ms. Rhona Ysabel Daoang, Officer In-Charge ti Communications and Media Office ti kapitolio probinsial gapu iti kaadda dagiti gundaway a nangato ti bilang dagiti naimaldit a pimmusay kadagitoy naglabas nga aldaw.

Inlaw-lawag na a ti proseso a masur-surot ket masapul nga adda ti Death Certificate ti pumusay ken mailanad a Covid-19 ti makagapu iti ipapatayna tapno mairaman iti listaan a maipublikar.

Itay kallabes ket adda dagiti salod sod pakaseknan ti saan a panagpapada ti bilang dagiti pimmusay kadagiti Covid-19 bulletin dagiti nagduduma nga ili ikumpara iti gobierno probinsia.

Dagiti nagduduma nga ili ket ensigida nga ipublikar da dagiti kalugaranda aa pimmusay gapu iti covid 19 kas maibasar iti pakaammo ti opsital idinto nga ti PDOH nga isu ti “main source” ti PGIN ket ibasarna ti listaanna kadagiti addaan iti death certificate.

Iti laksid daytoy kuna na nga agtultuloy ti panangkirakrarigatan ti gobierno probinsia a maipababa ti kaso ti cOVid-19 kangrunaanna dagiti pumusay ken mas mapapintas pay ti panakaimplementar ti health protocols babaen iti liderato ni Gob. Matthew J. Marcos Manotoc.

(Source: LAOAG CITY PIO)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -