General Santos City- Goodbye na sa natad sa boksing si eight-division world champion Sen. Manny Pacquiao tungod isentro na niini ang iyang atensyon sa pagdagan isip Presidente 2022 elections. Segun pa nga ang pamilya na mismo ang mikanayong iundang na ang boksing tungod daghan na ang nahatag niini nga pasidungog sa nasud sulod sa sobra duha ka dekada.
Misaad ang Pambansang Kamao nga dili sa gihapon kini mawala sa senaryo gumikan kay andam niining tabangan ang mga bag-uhan arun subling makahulma og usa ka world champion sama kaniya pinaagi sa iyang MP Promotions nga maoy gahupot sa ilang bag-uhan nga boksingero sama ni Tokyo Olympics bronze medalist Eumir Felix Marcial. Mahitungod niini dili na madayon ang planong rematch nga musilbi untang farewell fight ni Pacquiao kontra kang Ugas.