Sisimulan na ngayong araw ng Biyernes, Abril 30, 2021 ang ONLINE Registration para sa unang hakbang sa pagkuha ng National ID.
Ang PhilID ay valid for life. Wala itong expiration! Hindi na rin kakailanganin ng physical ID para sa mga transaksyon. Ang PhilSys Card Number o PCN ay sapat na bilang proof of identity na pwedeng gamitin kahit saang transakyon sa bansa. Maaari itong gamitin sa pag-apply ng scholarship, bank loan o kaya naman magbukas ng bank account at iba pa.
Layunin ng Philippine Identification System o PhilSys na bigyan ng valid proof of identity ang bawat Pilipino at dayuhang naninirahan sa bansa. Magiging daan ito sa mas inklusibo at mas maayos na pakikipagtransaksyon sa pampubliko at pribadong sektor.
Sa pamamagitan ng PhilSys, magkakaroon ka na ng parehong digital at pisikal na ID card.
(Source: PSA PhilSys)