Cebu City – Giklaro ni Cebu Governor Gwendolyn Garcia nga wala siyay tinguha nga modagan sa pagka senador sa umaabot nga 2022 elections.
“I have no intentions whatsoever of seeking national office. Read my Lips: I’m running for governor again,” direktang pamahayag ni Gov. Garcia atol sa tourism event “Lakbay Lokal” sa SM Seaside Cebu, Huwebes, Abril 29.
Alang kang Gwen nga na feel niini nga mas gikinahanglan siya sa Lalawigan sa Sugbo niining higayona ug sa pipila ka mga tuig samtang nag recover pa sa pandemic.
Kini maoy reaksyon sa gobernador sa gilusad sa multi-sectoral group nga ” Gwen for Senator Movement.”
“I do not know whether I should thank them or whether I should ask, di na ba diay sila ganahan mag-gobernador ko’s Cebu?”
Sa iyang bahin, si Deputy Speaker Pablo Jhon “PJ’ Garcia, igsoon ni Gwen nagduda sa motibo sa grupo.
Samtang mipadayag sab si OPAV Secretary Michael Dino nga very capable si Gwen nga mahimong senador, pero gusto niya nga magpabilin ang gobernador niining talandogon nga higayon.
Una niini, gilusad sa usa ka multi-sectoral group sa Sugbo ang usa ka inisyatiba nga nagtuboy kang Gob. Gwendolyn Garcia pagdagan pagka senador sa eleksiyon sunod tuig.
Gitawag og “Gwen Garcia for Senator Movement: Ang Probinsyana,” nagpa-presscon ang grupo gahapon sa buntag aron pagdasig kang Garcia nga magpapili pagka senador.
Ang naasoyng movement sa siyudad ug lalawigan gisakpan sa 4,500 ka tawo.
Lakip sa mga convenor mao si Neil Papas, professional boxing judge; Maria Pino, representante sa Cebu City Vendors Association; Erwin Goc-ong, tsirman sa Cebu Market Vendors Multi-Purpose Cooperative; Marissa Rubin, kawani sa Kapitolyo; ug si Edward Ligas ang lead convenor.
Suma pa sa grupo, panahon na nga adunay dugong Sugboanon nga mobarog sa Senado.
Si Garcia ang unang babaye nga nahimong gobernador sa probinsiya ug unang congresswoman sa ikatulong distrito.
Base sa statement sa movement, kon lingion ang kasinatian sa politika sa mga Garcia, walay katarongan nga dili modagan si Gwen sa pagkasenador sa sunod tuig ug nakaseguro sila nga modaog kini.
(Jhon Tadlip/JTY)
(Source : Gwen Garcia for Senator Movement | Sugbo News, photo courtesy of Sugbo News)
