GIPASIDUNGGAN ang Misamis Oriental isip Regional awardee sa PMU-Livelihood for Economic Recovery Program. Kini alayon sa 2024 Presidential Awards for Outstanding Micro Small Medium Enterprises & Development Partners gikan sa Department of Trade and Industry (DTI).
Ang maong pag-ila pamatuod sa excellent performance sa kagamhanang probinsyal sa aspetong MSME growth ug economic development.
Gidawat ni Provincial Economic Development and Investment Promotions Officer (PEDIPO) Atty. Maricon Jaranilla ang plaque of recognition isip representante ni Gov. Peter “Sr. Pedro” Unabia. Anaa usab si DTI-10 Regional Director Ruel B. Paclipan duyog sa Regional Micro, Small and Medium Enterprise Development Council (RMSMEDC)- 10 1st Quarter Meeting ning tuiga.
Nahimong basehan sa pagkab-ot sa award mao ang economic dynamism, government efficiency, infrastructure, resiliency, ug innovation nga dunay kalambigitan sa finance category.
Paabot usab ni Provincial Microfinance Unit-Livelihood for Economic Acceleration Program (PMU-LEAP) Lead Consultant Annie Abrogar atol sa pakighinabi sa PIO nga ning kasamtangan duna nay otsentay siete (87) ka benepisyaryo nga nahatagan og dugang kapital nga mikantidad sa kapin singkwentay dos (PHP52M) milyones pesos.
Kahinumdomang pinaagi sa PMU-LEAP gilaraw ni Gov. Unabia nga matabangan ang tanang gagmayng negosyante lakip kooperatiba ug farmers & fisherfolks.