Dakpan na ang anak nga si Franklito Gapod Reyes,56 anyos suspek sa pagluba patay sa iyang amahan nga si Hermenehildo Dueñias Reyes, 79 anyus, minyu, ug mag-uuma, parehong lumolupyo sa Purok 4 Brgy. Singatong Katipunan Zamboanga del Norte, diin naka detiner na kini karon sa Don Jose Aguirre Provincial Jail sa lungsod sa Manukan Zamboanga del Norte karong bag uhay pa lamang gikan sa kustodiya sa Protective Detention Facility sa Katipunan PNP,Abril 08,2025
Matud pa sa gihimong inisyal nga imbestigasyon sa mga kapolisan sa maong incidente ang biktima ang anaa sa iyang panimalay diin gapahigayon sa pagluto sa kopra, ug kalit lamang naabot ang anak nga suspetsado nga lango sa ilimnon makahubog nga si Franklito Gapod Reyes, 56 anyus, minyu ug lumolopyo sa nasampit nga dapit, nga walay pagduhaduha giluba ang biktima gamit ang 3ft, 8 ka pulgada nga stainless Iron rod, nga milapos sa walang bahin sa dughan sa biktima, resulta sa iyang kamatayon.
Isa sa mga nakasaksi ang daling mitaho dayun sa mga kapolisan sa may alas 3:45 kapin kun kulang ngadto sa mga kapolisan ug dali dayun kining girespondihan sa mga sakop Katipunan PNP nga gipanguluhan ni PSSg. Reil P. Ebol.
Ang biktima dali dayun kining gidala sa pinakaduol nga tambalanan apan sa pag abot niini gideklarar na nga Dead on Arrival sa nag atiman nga doktor nga si Dr. Peter Stephen S. Samonte sa RHU Katipunan gumikan sa traumatic injury.
Sa imbestigasyon gibutyag nga ang motibo Personal nga panagbikil ang hinungdan ang kabahin na sa yuta sa pamilya.(Angelica T. Obina)
Source: KATIPUNAN PNP