Malampusong gipahigayon sa lungsod sa Polanco, ang peace covenant signing o pag perma sa pakig saad sa kalinaw, kaniadtong nakalabay’ng Sabado. Kini gipahigayon sulod sa Polanco Central School covered court.
Gisugdan ang maong kalihukan sa may alas sais y medya sa buntag, pinaagi sa programa nga gipasiugdahan sa mga kadagkuan opisyal sa gobierno national nga naga base sa lungsod.
Sama sa Philippine National Police pinanguluhan ni Police Major Nestor Gania, Jr. Sa armadong kusog, sanglit wala si Lt. Col. Nolasco Coneros, kini gi representahan ni Technical Sergeant Romel Jayo.
Fire Marshal Senior Inspector Aprilyn sa BFP, DepEd supervisor Antonina Gallo, ug Comelec officer lll Roderic Sorronda. Mitambong usab sila si Pastor Willenito Taling Christian Missionary Alliance ug Parish Priest Rev. Fr. Nemesio Sayon, alang na sa pag panalangin ug pag-ampo alang sa kalampusan diha sa pakigsaad sa kalinaw, tali na sa duha ka mag papiling grupo karong umalaabot piniliay sa Mayo.
Ang maong grupo mao ang team Boyet, ni kasamtangang mayor Evan Hope (Boyet) Olvis ug mga kauban. Ug ang team JV, ni engr. JV Regencia nga pilionon pagka mayor ug iyang mga kauban. (RYAN UY, RPN DXKD Volunteer)
