Patas na pagdinig sa isyu ng franchise ng ABS-CBN tiniyak

Tiniyak ni Sen. Christopher Bong Go na magkakaroon ng patas na pagdinig sa mga nakabinbing franchise renewal bills ng ABS-CBN.

Ayon kay Go, sakaling umabot sa Senado ang pagtalakay sa 11 panukala para sa renewal ng prangkisa ng ABS-CBN makatitiyak na magiging patas ang mga senador.

Aniya, prayoridad lamang ng Senado ang kapakanan ng bawat Filipino kaya’t makatitiyak na mananaig ang interes ng publiko sa anumang magiging desisyon ng Senado sa naturang usapin.