General Santos City – General Santos City Police Office gihan-ay na ang security measures alang sa Paskuhan Sa Gensan. Kini ang gibutyag ni Police Lt. Col. Aldrin Gonzales, Deputy City Director for Operation sa GSCPO.
Sumala niya nga dili kini ang ubang paskuhan nga himuon sa Gensan rason nga ang ilahang himuong basehan mao ang mga security measures nga gihimo sa milabay’ng katuigan.
Pag-angkon niya nga daghan ang mga aktibidad nga himuon karon nga tuig hilabina nga duha usab katuig nga wala naka-selebrar ug face to face gumikan sa pandemya ug posible kining gamiton nga higayon sa mga kriminal aron maghimo ug dautan.
Dugang pamahayag ni Police Lt. Col. Gonzales nga mukabat sa 400 nga mga pulis ang i-deploy dungan sa Paskuhan Sa Gensan nga magsugod sa Nobyembre 28.
Pag-angkon niya nga kinahanglan gyud sa kapulisan ang tabang sa katawhan sa pagbantay sa siguridad gumikan, dili gyud nila kaya kung sila lang ang saligan, busa ilahang ginapangayo ang kooperasyon sa publiko.
(Source: GSCPO)