Dipolog: 3-day technical training sa film-making dinhi sa dakbayan gipahigayon

0
1

Gipahigayon ang  “3-day Technical Training” sa Film Making (Film Production Workshop)” dinhi sa Kagamhanang Lokal nga gipangunahan sa Museo Dipolog uban sa pakigtambayayong sa Cinemalaya Foundation, Indiepolog ug Ambibo.ph alang sa mga batan-ong filmmaker, estudyante, magtutudlo, mga mahiligon sa salida o sa bisan kinsa nga interesado ug andam moagi sa “crash course” may kalabot sa “Filmmaking”.

Ang  kalihokan gipahigayon sugod Nobyembre 18 taman 20 ning tuiga didto sa Top Plaza Hotel, ning dakbayan.

Nagsilbing “trainer” sa nasangpit nga kalihokan ang “award-winning film director” nga si Dir. Elvert Banares inubanan ni OSM Officer In-Charge, Mr. Ernesto B. Rojo Jr. ug mga staff gikan sa Office of the Strategy Management, kinsa nagsilbing mga facilitators niini. Tipik sa maong pagbansay-bansay mao ang pagtuldo sa mga partisipantes sa nagkalain-laing proseso ug aspeto sa “filmmaking” sama sa “Production Design”, “Cinematography”, “Lighting” ug uban pa.

Mitambong usab si City Mayor Darel Dexter T. Uy atol sa “closing ceremony” niini aron sa pagpa-abot sa iyang pasalamat sa tanang misalmot lakip na ang pagdayeg sa mga nahimo nila nga “entries” atol sa nasangpit nga “training”.

(Source: Dipolog City Government Facebook page)

LEAVE A REPLY

Please enter your comment!
Please enter your name here