GILUSAD na ang usa sa mga highlights sa Pasko De Oro 2023 sa dakbayan sa Cagayan de Oro ang Christmas Symbols and Icons Contest sa may Rio de Oro Boulevard, karon adlawa, Disyembre 10 ning tuig.
Ang maong indigay adunay 6 ka category ug 2 ka sub-category nga mao ang Parol Contest alang sa mga Nationa Government Agencies ug alang sa Indigenous Communities sa dakbayan.
Lakip usab sa maong indigay ang Christmas Tree Contest kun diin paga salmotan sa mga pampublikong tunghaan ubos sa pagdumala sa Department of Education, ‘Around the Philippines’ alang sa Business Sector, ‘Pasko sa Pamilya’ alang sa mga Barangay, Belen Contest usab alang sa mga HOAs sa relocation sites ug ang Cart Decoration Contest kun diin pagasalmotan sa mga selected cart vendors.
Aduna usab gitagana nga duha ka adlaw alang sa paghukum sa mga judges sa maong mga symbols and icons kun diin karong adlawa ang 1st judging ug sa umaabot nga Dec. 19 ning tuig ang 2nd judging.
Ang nagkadaiyang indigay kabahin sa mga aktibidadis nga giandam sa LGU ubos sa administrasyon ni Mayor Rolando “Klarex” Uy uban sa tinguha sa Mayor nga mabati gayud sa katawhan sa dakbayan ang tiunay nga kalipay ning panahon sa pasko.
News and photo courtesy of CIO CDO