GENERAL SANTOS – GI-ALERTO sa labaw sa kapulisan ang mga sakop batok sa posibleng pagkatap sa supply sa gidiling droga dungan sa holiday season. Matud ni Police Brig. Gen. Jimili Macaraeg, regional director sa Police Regional Office (PRO) 12, gipaalerto na niya ang mga sakop batok iligal nga droga. Kini ang rason sa serye sa mga operasyon gidiling droga ang gilusad sa kapulisan sa nagkadaiyang bahin sa rehiyon-12. Pamahayag ni Macaraeg, gihimo nila ang mga lakang aron makonhuran ang problema sa gidiling droga nga nasubay sa balaud.
Ang mga nasikop sa mga operasyon ang gilayong gipasakaan og kaso sa mga sakop. Una nang, gibutyag ni Kath Abad, tigpamaba sa Philippine Drug Enforcement Agency (PDEA) 12 nga nakaalerto usab ang ilang mga ahente sa aktibidad sa gidiling droga. Giangkon sa mga otoridad nga sagad gasaka ang demand niini atol sa holiday season. (Jun Abelo)
