Pasig gov’t target nang matapos ang pamamahagi ng SAP mula sa gobyerno

Target ng lokal na pamahalaan ng Pasig na matapos ang distribusyon ng perang ayuda mula sa social amelioration program (SAP) ng gobyerno.

Ayon kay Pasig City Mayor Vico Sotto, nais nilang matanggap na ng mga mahihirap na pamilya ang tulong mula sa pamahalaan sa loob ng ilang araw.

Sa ngayon aniya ay humigit kumulang sa kalahati ng P750-milyong financial aid na ang naipapamahagi sa mahigit 93,000 mahihirap na sambahayan sa lungsod.

Naging maayos naman aniya ang naging distribusyon bagama’t hindi umano naiwasan ang ilang problema.