Iriga City – Temporaryong ipinsara ni alcalde Margie Aguinillo kan Buhi, Camarines Sur an portion kan Provincial Road sa Mananga, Brgy. Sagrada kan sinambit ng banwaan matapos na manotaran an pagkakaigua nin dakulang gatak an box culvert na posibling magdara nin peligro sa mga motorista, orog na sa mga darakulang vehikulo na nag-aaragi digde.
Iyo ini an nagin desisyon kan alcalde, matapos na paluwason an administrative order no. 06 na pinaluwas kaini kasu-odma asin maepekto tulos-tulos ngunian.
Particular na bawal na mag-agi sa sinambit ng portion an mga heavy truck na may gabat na sobra sa apat na tunelada.
Kasunod kaini, igua nin itinaong alternatibong ruta an local na gobierno kan Buhi na iyo an mga minasunod; Burocbusoc-Tubigan, Iriga City Road, San Vicente-Lidong, Polangui Road, Alfelor Highway via Barangay San Rafael.
Papatawan nin magkakanigong kastigo an siisay man na mabalga sa nasabing administrative order, dugang pa sa pinaluwas na kasuguan.
(Source: LGU Buhi, Camarines Sur)