Cebu City – Giapod-apod na ngadto sa mga mayor sa kalungsoran ug component cities sa probinsiya sa Sugbo ang vaccination plan booklet nga magsilbing giya sa pagpahigayon sa pagpamakuna batok sa covid 19.
Kagahapon, gipahigayon ang turnover sa mga booklets pinaagi sa Central Visayas IATF, Department of Health o DOH-7 ug sa Project Balik Buhay sa Mandaue City.
Ang IATF-7 mipahapsay sa vaccination operations structure sa Mandaue isip basihanan sa vaccination plan sa ubang LGUs.
Ang plan nagdiktar sa requirements para sa vaccine roll-out lakip sa venue set-up, personnel needed, equipment needed, scheduling, ug prioritization list sa mga indibiduwal nga interesadong magpabakuna.
Lakip sa unod sa booklet ang mga pamaagi sa vaccination program gikan sa registration ngadto sa inoculation ug pag-monitor sa mga mabakunahan na.
Ang manual makatabang usab sa mga lokalidad pagmontar sa ilang kaugalingong Vaccination Operation Center (VOC) subay sa guidelines sa IATF.
Apan ang labing mahinungdanon mao nga pinaagi sa booklet makita ang hapsay nga trabaho sa mga LGUs sa vaccination program. (Jhon Tadlip/JTY)
(Source: IATF-Central Visayas, photo courtesy of OPAV)
