Panukalang provisional franchise para sa ABS-CBN binawi; Kamara, ipupursigi ang 25-year franchise

Binawi na ni House Speaker Alan Peter Cayetano ang panukala niyang bigyan ng provisional franchise ang ABS-CBN.

Ito ayon kay Cayetano ay matapos konsultahin ang iba pang lider ng Kamara para na rin magkaruon ng malalimang pagdinig sa prangkisa ng media giant.

Dahil dito, tututok na lamang ang Kamara sa pagdinig ng 25-year franchise ng Kapamilya network.

Sinabi pa ni Cayetano na lahat ng gustong magsalita sa isasagawang pagdinig ng Kamara ay bibigyan nila ng pagkakataon.