Inpeksa met ni Gobernador Matthew Marcos Manotoc ti pannakipagladingit na iti bigla nga ipupusay ni NBA icon Kobe Bryant, a nagcrashed ti nagluganan na a helicopter idi kalman.
Kadua ni Bryant a pimmusay ti sangapulo ket tallo ti tawen na nga anak na a babai karaman ti sabsabali pay a pito a tattao a kadua da a naglugan iti nasao nga aircraft.
Binigbig ni Gobernador Manotoc ti dedikasion ni Bryant iti trabaho na idi aktibo paylaeng iti NBA.
Kabayatanna, inrakurak ni Manotoc iti sangguanan dagiti emplyeado iti kapitolyo nga agserbi koma a pagpanpanunutan ti bigla nga ipupusay ni Bryant. Kinunana a ti biag ket saan nga ammo nu kaanu nga isubli tayo iti namarsua.
Innayon na pay nga iparikna tayo kadagiti napapateg iti biag tayo iti panagayat tayo kadakuada.
Ni Bryant ket pimmusay iti tawen nga uppat a pulo ket maysa.