Nagresponde dagiti gunglo dagiti Overseas Filipino Workers wennu OFW’s iti panawagan ni Gob. Matthew Marcos Matthew Manotoc a panangipaay dagit kaprobinsiaan ti donasion para kadagiti naapektaran ti panagbettak ti taal volcano.
Segun kenni Mr. Marcell Tabije, local disaster risk reduction management officer ti Ilocos Norte, karaman ditoy pannawagan dagiti opisial sadiay Batangas a pannakaipaay ti “hygiene” ken “sleeping kit”.
Imbatadna a maibilang ditoy dagiti sabon a pagdigos, toothpaste, sipilio, ules, pungan, ikamen ken dadduma pay.
Kunana a naruay pay dagiti nangidonar iti “used clothing”, de lata ken danum ken dadduma pay makmakan.
Mainaig iti daytoy, inbunannagna a napalaus ti yaman ken ragsakna iti kaadu dagiti kaprobinsiaan a nagipaay ti donasionda.
Immun-una ngem iti daytoy, adda rakurak ni Tabije nga naibiahe dagiti sabali pay a tulong idi laeng kalman nga ipaay ti probinsia para kadagiti umili sadiay Batangas.