Pannakapapintas pay iti serbisio ti llocos Norte Water District ti makagapu iti sagpaminsan a pannakapasar iti saan a napintas a serbisio ti danum kadagiti sumagmamano a lugar.
Inlawlawag ni INWAD General Manager Mr. John Teodoro ar aramiden da daytoy tapno sumayaat pay iti serbisio ti INWAD kadagiti konsesionaryo.
Dinawat na iti panagan anus dagiti maapektaran no dadduma no agpukaw iti danum gapu ta pappapintasen da iti serbisio ti INWAD.
Kuna na a ti madama ket iti pannakaikonektar ti 1.6 a kilometro a tubo manipud iti pump station ti Bacarra agingga iti Barit, Laoag City.
Kunana a daytoy ket kalpasen a nakumpleton ti 2.7 a kilometro a pangikamangan da iti 1.6 kilometers a proyekto ti INWD.
Mangnamnama ti INWD General Manager nga apaman a maisimpa da amin a madama a proyekto ti INWAD ket sumayaat bassit iti serbisio ti danum kadagiti water concessionaires iti Ilocos Norte. (Ronald Domingo, RPN DZRL Batac Correspondent)
(Source: Provincial Government of Ilocos Norte)