Sa pag-isyu sa IATF Resolution No. 127-E, nga pagsaka sa Misamis Oriental ngadto sa General Community Quarantine (GCQ) mas hugot ang mga restrictions nga ipatuman hangtod sa Hulyo 31, 2021.
Ang mga mosunud nga gabayan ipatuman sa Misamis Oriental, gawas lamang sa siyudad sa Gingoog.
- Ang mga establismento sa pagkaon sama sa mga caterer, restawrant ug kan-anan nga indoor o naa sa sulod ang set-up sa kan-anan mahimong mag-operate sa ilang nga negosyo sa baynte porsyento (20%) nga kapasidad lamang, samtang alang sa mga kan-anan nga al fresco o naa sa gawas ang set-up sa kan-anan, mahimong mag-operate sa singkwenta porsyento (50%).
- Ang mga personal care services, sama sa mga salon, mga beauty parlor, barbero, ug mga spa, mahimong mag-operate hangtod sa traynta porsyento (30%) nga lugar sa venue o puwesto sa paglingkod.
- Wala gitugot ang Ang mga Meetings, Incentives, Conventions, ug Exhibitions (MICE) bisan paman anaa ipahigayon sa mga kwalipikado nga lugar.
- Ang mga outdoor tourist attractions subay sa gipasabot sa DOT, magpabilin nga gitugotan sa trenta’y porsyento (30%) nga kapasidad nga adunay istrikto nga pagsunod sa mga minimum public health protocols.
- Ubos sa Safety Seal Certification Program, ang mga establismento sa negosyo nga gihatagan og Safety Seal Certifications gitugotan nga makapadagan sa dugang nga 10 porsyento sa gitakda nga kapasidad sa IATF.
- Ginadili ang pag-operate sa mga indoor sports venues ug mga indoor tourist attractions.
- Ang mga gitakda na Specialized markets sa DOT sama sa Staycations nga wala’y age restrictions gitugotan nga magpadayon sa operasyon sa susama nga kapasidad ug protokol nga gitakda sa DOT.
- Tugotan ang interzonal nga pagbiyahe subay sa restriksyon nga ipatuman sa tagsa-tagsa nga mga LGU. Ang point-to-point nga pagbiyahe ngadto sa mga lugar nga anaa sa General Community Quarantine ug Modified General Community Quarantine gitugotan ug wala’y age restrictions apan gikinahanglan nga mupailawom sa RT-PCR sa dili pa mobyahe ang mga wala pa nag 18 anyos ug katong sobra na sa 65 ang edad gikinahanglan nga musubay sa mga protokol sa LGU nga adtoan.
- Ang mga relihiyosong panagtigum anaa lamang sa napulo ka porsyento (10%) sa kapasidad sa venue ang gitugutan. Kung wala’y pagsupak ug gitugutan sa LGU, mahimong isaka ang kapasidad sa venue hangtod sa trenta porsyento (30%) kung gikinanglan. Gitugotan usab ang mga haya ug lubong alang niadtong mga namatay nga dili bunga sa COVID-19, apan limitado ra sa mga miyembro sa pamilya, ug kinahanglan nga musubay sa minimum public health protocols.
- Ang uban pang mga probisyon sa Omnibus Guidelines on the Implementation of Community Quarantine in the Philippines wala maapektuhan sa nahisgutan, ug padayon nga ipatuman, lakip na anginterzonal nga pagbiyahe ngadto ug gawas sa mga nahisgutan nga lugar ug ginaduso ang aktibo nga pag-gamit og operasyon sa publikong transportasyon.
Ang Rule No. 8 ug 9 ipatuman ubos sa Health Advisory nga gipirmahan niadtong Hunyo 1, 2021 nga giisyu ni Dr. Jerie P. Calingasan, Chief sa PIATF sa Misamis Oriental.
Walay puas ang paningkamot ni Gobernador Bambi Emano ug ni Provincial IATF Chief Dr. Jerie Calingasan sa pakigbatok sa pandemya ug na-managed og maayo  hinungdan kanunay nga gaipaubos sa MGCQ apan niining panahona nga gisaka sa pinakataas nga klasipikasyon ang dakbayan sa Cagayan de Oro ug Gingoog usa sa rason gisaka sab sa GCQ ang lalawigan gumikan sa nadetektar nga DELTA VARIANT sa nasangpit nga mga siyudad.
Gumikan niini gihangyo karon ni Gobernador Bambi ang kooperasyon ug hugot nga pagsabot sa katawhan, inubanan sa pahinumdum nga dili gayud mag kumpyansa labina niining presensya sa highly infectious nga virus. Padayunon ang mga insaktong pagtuman sa mga gabayan aron magpadayon ang nasinati nga pag-ubos sa kaso sa COVID-19 sa Misamis Oriental.
(Source: Misamis Oriental Provincial Information Office Facebook page)