- Advertisement -
Inaasahan na naman ang isang panibagong tapyas presyo sa mga produktong petrolyo sa susunod na linggo.
Batay kasi sa monitoring ng Department of Energy (DOE) sa presyuhan ng mga imported na gasolina sa world market, kanilang nakita ang posibilidad ng panibagong roll back.
Gayunman sinabi ni Energy Secretary Alfonso Cusi na masyado pang maaga para ihayag kung magkano ang posibleng maging bawas sa presyo ng mga produktong petrolyo dahil maaari pa aniya itong magbago.
Kung sakali, ito na ang ika-pitong sunod na linggo pagpapatupad ng mga kumpaniya ng langis ng tapyas sa presyo sa kanilang mga produkto.
- Advertisement -