Pangulong Duterte pabor sa ligalisasyon ng medical marijuana — Palasyo

Muling iginiit ng Malakanyang na pabor si Pangulong Rodrigo Duterte sa ligalisasyon ng medical marijuana.

Ito ang inihayag ni Presidential Spokesman Salvador Panelo matapos ang biro ni Pangulo Duterte na gumagamit siya ng marijuana upang manatili umanong gising.

Gayunman nilinaw ni Panelo na kailangang kontrolin at i-regulate ang paggamit ng marijuana para sa medical purposes habang tutol ang punong ehekutibo na gawing ligal ang paggamit ng recreational marijuana.

May mga pag-aaral na aniya tulad sa Canada at ilang state sa Amerika na nagbigay daan sa ligalisasyon ng medical marijuana pero kontrolado at regulated.