CPP-NPA handa na sa mga pag-atake ng militar sa gitna ng preparasyon para sa anibersaryo ng grupo

Handa ang Communist Party of the Philippines-New People’s Army (CPP-NPA) sa anumang pag-atake ng militar, halos tatlong linggo bago ang anibersaryo ng CPP.

Ayon kay CPP Founder Jose Maria Sison, nakaalerto na ang CPP-NPA dahil patuloy ang mga kalaban sa paglulunsad ng all-out war at terrorist acts.

Nakatanggap na aniya ng “advance notice” mula sa cpp ang  negotiating panel ng national democratic front of the philippines na naka-base sa Utrecht (U-Trek), Netherlands  na mag-uutos naman sa NPA na magpatupad ng unilateral ceasefire.

Ito’y bilang pakikiisa naman sa pagdiriwang ng pasko sa Disyembre 25 at ika-limampung anibersaryo ng CPP sa 26.