Plano ti gobierno probinsial ti mangisayangkat ti tienda ni Gob iti kada tallo a bulan nangnangruna iti daytoy a panawen ti pandemia.
Inlawlawag ni Mrs. Elma Gabriel, mangidadaulo ti SME Office ti Gobierno probinsial a daytoy ket kalpasan nga impadanon dagiti MSME’s ken Gob. Matthew Marcos Manotoc ti napalaus a panagyamanda iti dakkel a naitulong kadakuada ti pannakaiyuswat ti nasao nga aktibidad.
Imbatadna a nagyaman dagiti maseknan gapu ta nanayunan ti naglakoanda iti produktoda.
Malaksid iti daytoy, naiyam-ammo wenno naitandudu dagiti produkto dagiti MSME’s a maiyalud-ud ti tieda ni Gob ngem saan napatgan.
Kunana a daytoy ti rason a maad-adal ti mabalin a pannakaisayangkat daytoy iti kada tallo a bulan.
Nupay kasta, inbunanngana nga iti agdama ket saanna a masinunuo no maawagan met laeng ti tiendaan ni Gob ti maiyuswatnga aktibidad. (Rodrigo Sadian, RPN DZRL Batac OIC)
(Source: Provincial Government of Ilocos Norte)
