Iriga City — Iyo ini an ipinahayag ni konsejal sonny magistrado matapos an ginibong tiripon kan IMT asin mga frontliners kan cuidad sa pamamayo ni Dr. Ronald Perenia.
Tinaw’an nin duon kan konsejal na susunudon ninda an priority listings kan mga babakunahan, kasabay kan pagsabi na andam man sindang mga opisyal tanganing magpabakuna en kaso tanganing sanang mapalangkaw an kompiyansa sa bakuna.
An bakuna sigun sa konsejal ini, hahalaton sana hali sa national government asin dai pa aram kun anong brand an maabot sa cuidad.
Kan nagtalikod na Enero boot na kuta kan cuidad na makipag-negosasyar sa pagbakal nin bakuna, alagad dai tinugutan kan IATF kun sain gobierno nacional sana an kaipuhan na makipag-olay sa mga pharmaceutical company.
Inot kaini, ipinahayag man kan gobierno probinsyal nan aka-andam man na magbakal an Camarines Sur nin bakuna oras na kapuson an itataong bakuna kan Malacañang tanganing ibariwas sa 35ng munisipyo asin sa cuidad kan Iriga.
(Source: LGU Iriga)