Binisita da idi kalaman October 9 ti nakaimulaam dagiti sanga pulo ket walo a varities ti pagay iti barangay Tangid Suidad ti Laoag.
Daytoy a proyekto ket naawagan ti ‘’Ten Hectar Hybrid Rice Challenge’’, daytoy ket personal a binisita dagiti pannakabagi ti Provincial, City Agriculture Office, dagiti opisial ti suidad ken dagiti mismo a mannalon gapu iti kinapintas ti nagbalinan ti apit manipud kadagiti Hybrid Rice.
Malaksid iti Agriculture Office ken dagiti mannalon, immatendar pay dagiti simmuporta iti nasao nga proyekto kas koma ti Philrice ken dagiti Pribado a kompania.
Babaen ti Hybrid Rice a pagay, Aprisiaren a mismo dagiti grupo ti mannalon manipud kadagiti nadum-duma a paset ti probinsia iti kinapintas ti apit.
Agtultuloy met ti suporta nga ipapaay ni Mayor Michael Marcos Keon iti benneg ti Agricultura nangnangruna iti a panawen ti pandemia.
Tumultulong ti gobierno iti suidad kadagiti mannalon babaen iti pannakaited ti abono, farm equipment ken nadumaduma pay a pagkasapulan dagiti mannalon.
Mainaig iti daytoy, kuna ti mayor a masapol a suportaran a nalaing dagiti mannalon gapu ta isuda ti maysa kadagiti kangrunaan a rason iti panagprogreso iti suidad. (Jefferson Narciso, RPN DZRL Batac)
(Source: Provincial Agriculture Office)
