Pambili ng bagong tren ng PNR bigong makakuha ng budget

Bigong makakuha ng budget ang pamunuan ng Philippine National Railway (PNR) na gagamitin pambili ng mga bagong bagon ng tren.

Nasa P1.6B lamang ang pinayagan ng Kamara, malayo sa orihinal na proposal na P8B.

Ayon kay PNR General Manager Junn Magno, kaya na nilang magbigay ng serbisyo sa mga mamayan na tutungo ng Legaspi.

Ngunit kulang na kulang aniya ang mga tren na nagagamit dito pa lamang sa Metro Manila.

Samantala, mayroong 9 na tren ang inaasahang dadating sa bansa sa Disyembre, 3 taon matapos itong mabili noong 2016.