Palasyo hindi ikinaaalarma ang inflation rate ng bansa sa buwan ng Hunyo

Hindi ikina-aalarma ng Palasyo ng Malacañang ang bahagyang pagbilis ng inflation rate sa bansa para sa buwan ng hunyo.

Ayon kay Presidential Spokesman Atty. Harry Roque, bagamat bumilis ang inflation rate sa buwan ng Hunyo kumpara sa 2.1% na inflation rate noong buwan ng Mayo ay maituturing pa rin namang mababa ang 2.5% na inflation rate.

Ayon kay National Statistician Claire Dennis Mapa, ang 2.5% na inflation rate ay bunsod ng pagtaas ng presyo ng transportasyon partikular na sa pasahe sa tricycle.

Gayundin ang pagtaas ng presyo sa mga nakalalasing na inumin, tobacco products, singil sa tubig at kuryente.