Zamboanga del Sur – Usa na usab kankason sa pagpamusil ang natala ning probinsya sa Zamboanga del Sur (ZDS) partikular sa lungsod sa Guipos kagahapon, Hulyo 14 2021 alas 7:15 sa buntag. Giila ang mga biktima nga sila Romeo Molihon Evedientes ug asawa niini nga si Miguela Palaca Evedientes samtang ang suspek usa ka Arnel Comayas Antone ug duna pay isa nga wa pa maila.
Sa inisyal nga imbestigasyon sa kapulisan, gikataho nga kining mga biktima padulong sa ilang bo-os sa Mais (Corn kiln) dihang giatangan kini sa mga suspetsado ug kalit lamang gipusil sa way igong rason. Nakaangkon ug tulo ka samad pinusilan si Romeo sa iyang wala nga kamot kon braso samtang upat ka samad pinusilan ang naangkon sa asawa niini sa bat-ang bahin.
Dali gilayong miikyas ang mga salaod ngadto sa lungsod sa Tigbao samtang nakahigayon matud pa ang mga biktima sa pagpangayo ug tabang sa mga silingan. Dali kini silang gidala sa Guipos Rural Health Unit sa Poblacion sa maong lungsod.
Padayon gihapon ang kapulisan sa pagpangita ug pag ila sa mga suspek.
(EB Piedad, DXKP Pagadian News Correspondent)
(Source: Police Regional Office IX)