Cebu City – Naka kuha man tood ug overall “unmodified opinion” mark ang lokal nga kagamhanan sa Syudad sa Sugbo gikan sa Commission on Audit (COA) apan ang pipila ka mga transaksyon sa syudad sa tuig 2020, dunay nakit-an nga mga “flaws”.
Sa ilang report, ang COA mitumbok sa ilang gihulagway nga “deficiencies” sa COVID-19 response efforts sa syudad.
Kini naglakip na sa Emergency Subsidy Program, sa pagpamalit ug bugas alang sa relief operations, construction sa quarantine building ug ang pagpamalit ug mask ug test kits.
Sa ilang bahin, dali kining gitubag ni City Administrator Floro Casas Jr. nga, matod pa ila nang gi explain ang ilang habig ngadto sa COA.
“Kana nga findings amoa na nang na-correct, amo na nang na justify, matod ni Casas.
SAP Beneficiaries
Alang sab sa COA nga ang pag apod apod sa assistance- Emergency Subsidy Program pinaagi sa Social Amelioration Program ngadto sa 80 ka mga kabarangay sa syudad, nga mokantidad ug ₱ 836,892,000 nga naglakip sa 632 ka mga beneficiaries kinsa naka dawat ug kinatibuk-ang ₱ 3,792,000 apan dili eligible sa maong program.
Gi-ingong nasukwahi kini sa pertinent provisions sa Department of Social Welfare and Development Memorandum Circular No. 09, series of 2020 o ang Omnibus Guidelines sa pag Implementar sa ESP.
Gi-rekomenda nga ang Special Disbursing Officer ug ang City Development and Social Welfare and Officer mopadala ug demand letter ngadto sa 632 ka mga ineligible beneficiaries aron ilang ma refund ang aid.
Gi-rekomenda sab nga mopahigayon ang City Legal Office ug dugang imbestigasyon alang sa administrative, civil ug criminal actions ug gikinahanglan.
Sa ilang bahin, ang Department of Social Welfare Services, mipadayag sa ilang kalibog kon nganong sila man ang mopadala ug demand letter alang sa pagpa-uli sa SAP benefits, nga matod pa ang ilang participation igo lang ang pag encode sa “data gathered and submitted.”
Matod pa wala silay labot sa identification sa mga beneficiaries , ug sa verification, tungod kay giingong trabaho na kini sa barangay ug sa Department of Social Welfare and Development (DSWD).
Mask ug Test Kits
Mahitungod sa Mask ug Test Kits, matod sa COA nga ang pagpamalit sa 20,000 pieces nga KN95 mask nga mo kantidad ug ₱ 4,380,000 mas mahal kay sa maximum retail price nga gi set sa Department of Health Memorandum No. 2020-0144-A, pinitsahan ug April 14, 2020.
Kini nagpasabot nga sobra ang gipalit ug ₱ 1,340,000.00.
Gipasabot sa syudad nga ang reasonable ang maong presyo tungod kay matod pa gi procure nila ang mask pinaagi sa credit, tungod ma delatar pa ang bayad niini.
Lakip na sab sa presyo ang delivery sa items sa Syudad sa Sugbo.
Dugang gipasabot sa syudad nga ang presyo nga gi set sa DOH, pinaagi kini sa Cash Basis.
Matod ni Casas nga ang gihatag nga “unmodified opinion” sa COA nagpakita nga ang syudad naka explain sa giingong deficiencies. (Jhon Tadlip)
(News & photos courtesy of Commission on Audit | Cebu City Public Information Office)
